ده جزء تاني من النصايح والخدع اللي ممكن تفيد حد منكم:
1- عايز تسلك مناخيرك المسدودة؟ إرفع سقف بقك بلسانك، واضغط بصابعك بين حواجبك، إفضل عيد في كده لغاية 20 ثانية.
2- عايز تبيض هدوم ليك بيضه؟ إنقع الهدوم في ميه سخنة وحط نص لمونة معاهم بحالها (متعصرش اللمونة)، لمدة 10 دقايق.
3- عايز تعرف الريموت بتاعك شغال ولا لأ؟ حط عدسة الريموت قدام كاميرت التليفون، لو شفت شعاع، يبقى الريموت شغال.
4- عجلة العربية بتفوت وبتدور والعربية مابتمشيش عشان تحتيها تلج أو رمل؟ حط فرش العربية تحت العجلة وسوق!
5- عايز تشيل الحبر من الهدوم؟ حط معجون سنان على البقع، سيبها تنشف، واغسلها بعد كده. لو عايز تشيل شحم من الهدوم، إفرك طباشير في بقع الشحم واغسله عادي.
6- بتقشري بصل ومش عايزة تعيطي؟ اندغي لبان وانتي بتقطعي أو بتقشري البصل، لو مفيش لبان، حطي البصل لمدة 15 دقيقة في الفريزر قبل ماتقطعيه.
7- لو الواي فاي في الفندق أو المطار بفلوس وعايز تدخل عالنت ببلاش، حط الكود ده ?.jpg في نهاية عنوان الموقع اللي عايز تزوره.
8- عايز تخلي إزازة حاجة ساقعة كلها تلج؟ لفها بورق مناديل وحطها في الفريزر ربع ساعة.
9- عصير اللمون بيشيل النمش من عالوش.
10- رشي كاكولا في قاعدة التواليت وسيبيها لمدة 10 دقايق، وبعد كده اشطفيها بالمايه. نضافة سريعة.
11- عايز تفتكر حاجة انت ذاكرتها في الامتحان؟ وانت بتذاكر اندغ لبان بنكهة معينة، ولما تروح الامتحان اندغ نفس الناكهة، هتفتكر!
12- الجازمة ريحيتها وحشة؟ حطها في الفريزر عشان السقعة تقتل الباكتريا اللي عاملة الريحة.
13- عايز تعطس ومش جاية معاك؟ بص كده فوق على أي ضوء أو ناحية الشمس، هتعطس!
14- هتعطس وانت مش عايز؟ ارفع لسانك على سقف بقك، مش هتعطس!
15- عنك طماطماية خضرا عايزاها تستوي؟ حطي جنبها موزاية طازة، هيطلع من الموزاية غاز الإيثيلين، وهتستوي.
16- عايزة بيتك يبقى ريحته محصلتش؟ حطي تفاح وقرفة وقشر برتقال في طاسة مايه وساويهم على نار هادية. البيت كله هيبقى ريحته جميلة.
17- عايز الورد اللي في الفازة يقعد كتير؟ حط سبرايت في المايه اللي في الفازة.
18- عندك زغوطة؟ إكتم نفسك، وابلع تلات مرات.
19- حجزت في فندق وفات ميعاد إنك تلغي الحجز؟ إتصل بالفندق واطلب إنك تقدم ميعاد حجزك، وبعدين اتصل بيهم تاني والغي الحجز.
20- فيه بقع على السجادة؟ رشي ملح على البقع وسيبيه كام ساعة، وبعدين نفضيها أو بالمكنسه.
21- معندكش شمع في البيت؟ استخدم برتقالة، واعمل زي اللي في الصورة http://i.imgur.com/12Kpppx.jpg
22- بتركن عربيتك في الشمس أو في مكان سخن؟ نزل إزاز العربية 3 سم أو 6 سم، الهوا هيدخل جوا، والسخونة هتخف.
No comments:
Post a Comment