خدع عبقرية ونصايح مفيدة 1

1- ما تتريقش على الأغاني الرومانسية اللي حبيبتك بتحبها، عشان ممكن تكون الأغاني دي "عنك".

2- لو انت منتظر شيء مقابل إنك انسان محترم، فانت انسان مش محترم.

3- لو صفحة براوزار قفلت منك وانت ع النت، إضغط CTRL+SHIFT+T الصفحة هتفتح تاني.

4- ما تحاولش انك تفهم الستات. ما يفهمش الستات غير الستات، وبيكرهوا بعض.

5- لو فيه واحدة قالتلك "إعمل اللي انت عايزه"، ما تعملش اللي انت عايزه.

6- لو العجلة فست منك، صورها، ممكن تحتاج الصور كعذر لحاجة ممكن تحصل بعدين.

7- ما تتخذش قرارات وانت غضبان، وما تخدش على نفسك وعود وانت فرحان.

8- للرجال: لو حصلك انتصاب في موقف محرج، إتني رجليك. تدفق الدم هيروح في مكان تاني.

9- لو صحابك بيتكلموا على كل الناس من ورا ضهرهم، فهما كمان بيتكلموا عليك من ورا ضهرك.

10- لو عايز تطلع لبان من هدومك، حط هدومك في الفريزر لمدة ساعة، واخلع اللبانة.

11- لو دخلت تواليت في مكان بتاع واحدة ست أو بنت، قولها ريحة الصابونة بتاعتك حلوة. بيحبوا هما المجاملة دي، وبالمرة إثبات إنك بتغسل إيديك.

12- شيل معاك دايماً محفظة وهمية، عشان لو حد سابيتك.

13- لو حسيت إن انت لازم تزعق، يبقى انت خسرت النقاش.

14- لو القطة بتحب تقعد قدام الكمبيوتر، حط صندوق على الديسك. القطط بتحب الصناديق.

15- عايز تعرف البيض طازة؟ حطه في كوباية مايه. القديم هيعوم، والطازة هيسقط وينام على جنبه.

16- لو حطيت سماعات الهيدفون في التليفون، شبكة التليفون هتزيد.

17- ماتسلفش صاحبك فلوس. يا هتخسر فلوسك، يا هتخسر صاحبك.

18- لو عايز تعطس وانت سايق عربية، ما تمسكش أوي في الدركسيون.

19- عايزة تخلي البسكوت طري؟ إقطعي حتة من رغيف وحطيه مع البسكوت في برطمان مقفول وسيبيه ليلة.

20- ما تكتبش على الفيسبوك إنت خاطب فلانة إلا لما تتجوز، عشان لو سيبتو بعض.

21- لو مش عارف الكلام اللي انت بتقوله وحش ولا حلو، يبقى هو فعلاً وحش.

22- لو مش عايز تستخدم ويكيبيديا كمرجع، استخدم مراجع ويكيبيديا نفسها كمرجع.

23- لو رايح للدكتور وخايف من الحقنة، خد شاور سخن قبل ما تروح. عروقك هتبقى واضحة، وهايلاقيها أسرع.

24- لو عايز تشتري هدوم لمراتك ومش عارف مقاسها، ما تشتريش!

25- لو فيه حاجة مش عجباك في رئيسك في العمل، ما تقولش لحد في الشغل.

26- الناس اللي بتكره الدراما أوي، حياتها نفسها بتبقى مليانة دراما.

27- عايزة تعرفي خطيبك هيعاملك ازاي أول 3 شهور، شوفيه هيعامل الجرسون ازاي في أول ميعاد بينكم.

28- جيبوا مصور محترف في الفرح عشان الصور بتدوم أكتر من الأكل والكراسي والفرقة الموسيقية.

29- لو حد قالك انه كان بيحبك في الثانوي، فهو لسه بيحبك لغاية دلوقتي.

30- لما تيجي تدق على مسمار، حط مشط على صوابعك. صوابعك مش هتتعور.

31- إمسح إيديك بمعجون أسنان، لو عايز ريحة التوم والبصل تروح من إيديك.

32- معجون السنان بيشيل شخبطة القلم الرصاص من ع الحيطة.

33- عايز الريحة الوحشة تروح من سلة الزبالة؟ حط خل في درج مكعبات التلج. حط مكعبين خل في السلة. بس.

34- عايز تولع شمعة مش قادر تطولها ومفيش كبريت طويل؟ إستخدم عود مكرونة اسباجيتى مش مطبوخ.

34- عايز تسقع مشروب بسرعة؟ حط مشروباتك في طبق كبير وغطيهم بالتلج، حط كوبايتين ملح، واملى الباقي بالمايه.

35- عايز تحط قطرة عين لطفل صعب؟ خليه يقفل عينه، وحط القطرة في جنب من جوه، لما ييجي يفتح عينه، هتدخل.

36- لو مش عايز تنسى أي حاجة الصبح، حط الحاجة اللي انت مش عايز تنساها فوق جزمتك.

37- ما تستخدمش أغنيتك المفضلة كرنة منبه، عشان ممكن بعد كده تكرهها.

38- لو مش عايز الأكل يبقى طعمه وحش بعد ما تغسل سنانك، اشطف سنانك بمايه سخنة.

39- لو حبيبك أو حبيبتك بيألسوا على أبوهم او أمهم أو اخواتهم أو حد من عيلتهم، ما تعملش زيه/زيها.

40- لو عايز عايز تهرش في مكان في جسمك، ما تهرش، إضغط بس عليه، إنسياب الدم هيقل والحكه هتروح.

41- لو حاسس إنك مكتئب إعمل حاجة تفرح حد.

42- عايز تبطل تدخين؟ روح الساونا 3 أيام ورا بعض. هتعرق نيكوتين، وهيبقى سهل عليك تبطل سجاير.

42- محتار تختار ما بين حاجتين؟ شقلب في عملة معدنية. هتعرف إيه الاختيار اللي انت عايزه، لما تحس إن الجنب اللي انت عايزه يقع يكون هو ده.

43- أوعى تألس على اختيارات حد، عشان إنت نفسك واحد من الاختيارت بتاعته.

44- عايز تعرف في حد بيبحلق فيك؟ إتاوب.

45- لو حبيبتك قالتلك عايزة تروح التواليت، فده معناه إنها مستنية بقالها ساعة عشان تقولك، فلازم تلاقيلها واحد على طول.

46- لو اتعينت في وظيفة جديدة، روح بدري وامشي متأخر شوية لمدة تلات شهور، هما مش هيلاحظوا ده لمدة 3 شهور، بس هيفتكروك إنك مجد في شغلك.

47- لو فيه حد ظلمك، ما تفضفضش لابوك وأمك، عشان ممكن تسامحهم في يوم من الأيام، بس أبوك وأمك مش هيسامحوهم.