الرجل النحيف ذو الأرجل الطويلة - ما وراء الطبيعة. +18

كلامي هيكون عن ظاهرة مشهور جداً خاصة في الولايات المتحدة وهي عبارة عن شخص طويل جداً ونحيف ورجله طويلة ولابس بدلة أو لبس أسود ووشه بدون ملامح، يعني مناخيره وبقه وودنه مش باين تركيبهم، أكنه من غير دماغ، أو الظل مداري عليهم.

الشخص أو الكائن الغريب ده، بيشوفوه الأمريكيين كتير خصوصاً في الغابات أو الطرق السريعة، أو الأراضي الزراعية.

معروف في عالم الإنترنت باسم The Slender Man وده لسبب تافه وهو ان فيكتور سيرج، عضو في منتدى أجنبي اسمه Something Awful forums فاز في مسابقة تخيل كائن خارق للطبيعة في صورة 8 يونيو 2009. وهو اللي اخترع الإسم ده اللي هو ذا سليندر مان.

لكن الحقيقة الكائن ده مش أساساً من وحي خيال فيكتور سيرج، لان قبل ما يخترعوا حتى صور الـ meme على الإنترنت، كان في مشاهدات مسجلة ومتحقق منها في الولايات المتحدة من هذا الكائن ولا زال، ومنها على سبيل المثال، القصص الحقيقية الموجودة في قسم ما وراء الطبيعة على موقع about.com، ودي أمثلة:

http://paranormal.about.com/od/othercreatures/a/tales_09_04_03t.htm

http://paranormal.about.com/od/demonsandexorcism/a/tales_10_03_07t.htm

http://paranormal.about.com/od/angels/a/tales_10_07_08t.htm

ناهيك عن رسومات في كهوف برازيلية ونقوشات فرعونية مصرية من آلاف السنين، بالإضافة إلى نقوشات خشبية ألمانية في منتصف القرن السادس عشر بتوصف هذا الكائن الطويل النحيف ذو اللبس الأسود أو البدلة السوداء.

مرجع: http://theslenderman.wikia.com/wiki/Slender_Man_in_Mythology_and_Culture

وتبقى الصور الفوتوغرافية والمشاهدات أو القصص الحقيقية هي اللي بتدحض وجود The Slender Man فقط على الإنترنت. فهو موجود معنا سواء كان موجود الإنترنت أم لا من وجهة نظري.

طبعا لأي شخصية خارقة سواء حقيقية أم لا، بتبقى فيه صفات ملازمة ليه بنسمعها من زمان ولغاية دلوقتي، وأشهرها، إنه بيخطف الأطفال، وإن دراعه ممكن يخليه يتحرك زي التعبان بطوله المخيف.

ومن القصص الحقيقية اللي حصلت عام 1987، لبنت صغيرة أختها الصغيرة اتخطفت. جه البوليس وكانت الأخت آليس هي الشاهدة الوحيدة، وقالت آخر مرة شافت أختها كانت بتحضن راجل طويل في فناء المنزل، وقالت إنه كان بييجي يخبط عليهم في الأوضه من بره الشباك الإزاز على طول لأختها تحديداً، ومرة ملقهاش، فنط فوق الشباك، أختها طلعتلها، وابتسملها بشكل غريب، وشالها بايديه الطويلة اللي شبه التعبان على حد قولها. الأم افتكرت إن ليلة اختفاء البنت كان فيه خبط فعلا بالليل على الإزاز.

وده جزء من جرنال عن حادثة الأخت سنة 1987.

من المعروف إن الكائن كان مرتكز بشكل كامل في مدينة ستيرلينج، مقاطعة "بيوت" Butte بولاية كاليفورنيا. بعد حريق مكتبة المدينة 1986، لقوا صور متبعترة بره الحريق ومن ضمن الصورة صور بيظهر فيها الكائن ده، علماً إن في نفس وقت الحريق كان فيه أطفال واختفى 14 طفل تماما، لقو طفل منهم اسمه جوزيف بيرتمان، متعفن وملتوى التواء عجيب في محمية طبيعية في شلالات كينجستون في نيو جيرسي. الأعجب أن مصور الصورة نفسها ماري توماس، اختفى. دي الصورة:

الصورة حقيقية وواقعية تماما بدون اي لعب. في أرشيف تاريخي من المدينة:

مرجع: http://slenderman.wikidot.com/slender-man

ودلوقتي مع صور حديثة لهذا الشخص. مرعبة ولكنها حقيقية:

--

22 يناير 2009 الساعة 11:10 دقائق

--

ملحوظة: أتمنى عمل بحث فردي موضوعي وقراءة قصص واقعية مسجلة زي اللي في قسم Paranormal في about.com ومنها الأمثلة اللي حطتها فوق.

شكراً وأتمنى مكونش رعبتكم

ده مجرد بحث علمي عن ظاهرة موجودة والحكومات بتخبي علينا معلومات عنها زي الأطباق الطايرة.